Президент Шавкат Мирзиёев Қишлоқ хўжалиги соҳаси ходимлари куни муносабати билан соҳа вакиллари билан учрашув ўтказди.
Тадбир аввалида у эл дастурхонига мўл-кўл ризқ етказаётган деҳқон, фермер, боғбон, чорвадор, сувчи, агроном ва механизаторларга чуқур ҳурмат-эҳтиром изҳор этди.
“Сизларнинг нафақат қишлоқ хўжалиги, балки иқтисодиётни юксалтириш, аҳоли турмушини яхшилаш, озиқ-овқат хавфсизлиги борасидаги беқиёс ишларингиз ҳар қанча таҳсинга лойиқ”, — деди давлат раҳбари.
Учрашувда жорий йил мамлакат иқтисодиёти учун ютуқларга бой бўлгани қайд этилди. Хусусан, 3,5 миллиондан ортиқ фуқаро фаолият юритаётган қишлоқ хўжалиги соҳасида катта марраларга эришилгани таъкидланди.
