7 декабр куни Чирчиқ дарёсида вояга етмаган бола чўкиб вафот этди.
Бу ҳақда Бош прокуратура матбуот котиби Ҳаёт Шамсутдинов darakchi.uz'га хабар берди.
Маълум бўлишича, 8 декабрь куни Чирчиқ шаҳрида яшовчи шахс ИИБга мурожаат қилиб, 7 декабрь куни фарзанди яшаш уйи олдида дўстлари билан футбол ўйнаш учун чиқиб кетиб, бедарак йўқолган.
Суриштирувда аниқланишича, боланинг тўпи Чирчиқ дарёсига тушиб кетган. Бола ушбу тўпни олаётган вақтда эҳтиётсизлиги оқибатида сувга тушиб, чўкиб кетган ва бедарак йўқолган. Кейинчалик бола ўлик ҳолда топилган.
Ҳозирда мазкур ҳолат юзасидан текширув ҳаракатлари олиб борилмоқда.
