Дастлабки маълумотларга кўра, қурбонларнинг аксарияти машҳур пляж яқинида жойлашган “Бирч бй Ромео Лане” тунги клуби ходимларидир. Ҳалок бўлганлар орасида сайёҳлар ҳам бор.
Полициянинг тахминича, шанба куни маҳаллий вақт билан ярим тунда клуб ошхонасида газ баллони портлаб, ёнғин келиб чиққан.
Якшанба куни эрталаб расмийлар ҳалок бўлганлар сони 23 дан 25 га кўтарилганини айтди.
“Ёнғин биринчи қаватдаги ошхона атрофида тўпланган”, деди маҳаллий полиция бошлиғи Алок Кумар ББCга.
Жасадларнинг аксарияти ошхона ёнидан топилган, “бу қурбонлар клуб ходимлари бўлганини кўрсатади”, дея қўшимча қилди у.
Гоа бош вазири Прамод Савантнинг журналистларга айтишича, уч киши куйиш оқибатида ҳалок бўлган, қолганлари бўғилиб қолган.
Унинг сўзларига кўра, “уч-тўрт” турист ҳалок бўлган; уларнинг ёши ва миллати ҳалигача номаълум. Касалхонада олти кишининг аҳволи барқарор.
