Андижон вилояти ФВБга кўра, 2 декабрь куни соат 22:33 да Андижон туманидаги “Курама” МФЙда жойлашган хонадонда ёнғин содир бўлгани ҳақида хабар тушган.
Ҳодиса жойига 4 та ёнғин-қутқарув экипажи йўналтирилиб, улар 11 дақиқа ичида етиб борган. Ёнғин соат 22:49 да ўраб олинган ва 23:30 да тўлиқ ўчирилган.
Ёнғин оқибатида уйнинг шифт ва том қисми, шунингдек, бир қатор рўзғор буюмлари ёниб зарарланган.
ФВБ хабарига кўра, ҳодиса оқибатида тан жароҳати олганлар қайд этилмаган. Сабаб ва етказилган зарар миқдори ўрганилмоқда.
