Олий суд хабарига кўра, Жиноят ишлари бўйича Қува туман судининг 2025 йил 28 ноябрдаги ҳукми билан А. Х. 1986 йилда туғилган, Фурқат тумани ИИБ бошлиғи лавозимида ишлаган ва 1991 йилда туғилган, Фурқат тумани ИИБ бошлиғининг биринчи ўринбосари лавозимида ишлаган Ж.Р. Жиноят кодексининг:
— 141-3-моддаси 2-қисми “б” банди (Шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш);
— 142-моддаси (Фуқароларнинг турар жойи дахлсизлигини бузиш);
— 206-моддаси 1-қисми (Ҳокимият ёки мансаб ваколати доирасидан четга чиқиш);
—230-2-моддаси 1-қисми (Айбсиз кишини жавобгарликка тортиш) ва 234-моддаси 1-қисмида (Қонунга хилоф равишда ушлаб туриш ёки ҳибсга олиш) назарда тутилган жиноятларни содир этганликда айбли деб топилди.
А. Х. ва Ж. Р.нинг ҳар бирига 3-йил муддатга Ички ишлар вазирлиги тизимида ҳамда давлат иштирокидаги корхона, муассаса ва ташкилотларда мансабдорлик ва моддий жавобгарлик юклатилган ишларда ишлаш ҳуқуқидан маҳрум қилган ҳолда 4-йил муддатга озодликдан маҳрум қилиш жазоси тайинланди.
Тайинланган жазони манзил-колонияларида ўтаттирилиши белгиланди.
