Ҳисоботда айтилишича, ўлдирилган аёлларнинг 60 фоизи — 50 минг нафари — улар билан бирга яшаган эркаклар ёки оила аъзолари қўлидан ҳалок бўлган. Эркаклар ўртасида бу кўрсаткич атиги 11 фоизни ташкил қилади.
БМТ энг юқори кўрсаткич Африкада қайд этилганини билдиради — ҳар 100 минг аёлга 3 та ўлим тўғри келади. Кейинги ўринда Америка минтақаси туради.
Германия ҳам ўз йиллик статистик маълумотларини эълон қилди. 2024 йилда мамлакатда зўравонлик оқибатида 308 нафар аёл ва қиз ҳалок бўлган. Шулардан 191 ҳолатда жиноятчи турмуш ўртоғи, собиқ шериги ёки оила аъзоси бўлгани маълум қилинган.
