Агентлик маълумотига кўра, талабгорлар Saudi German Hospital, Dr. Soliman Fakeeh Hospital, Dr. Sulaiman Al Habib Medical Group ҳамда Abeer Medical Group каби шифохоналарда ишлаши мумкин. Ишга қабул қилиш танловлари жорий йил ноябрь ойида Тошкент шаҳрида ва республика ҳудудларида онлайн ва офлайн шаклда ўтказилади.
Танлов манзил ва сана ҳақида қўшимча маълумот кейинроқ эълон қилинади.
Ишга қабул қилиш учун номзодлар ҳамширалик иши бўйича бакалавр ёки ўрта-махсус дипломга эга бўлиши, соҳа бўйича камида бир йил иш тажрибаси, 45 ёшдан ошмаган бўлиши ҳамда инглиз тилини мулоқот даражасида билиши лозим. Араб тилини билиш афзал ҳисобланади.
Маош 1000–1500 АҚШ доллари миқдорида белгиланган бўлиб, малакали мутахассислар учун кўпроқ тўлов кўзда тутилган. Ҳафтасига олти кун, саккиз соатлик иш жадвали жорий этилади. Турар жой иш берувчи томонидан таъминланади.
Шунингдек, авиачипта харажатлари қопланади, ишчи виза расмийлаштирилади, тиббий ва ижтимоий суғурта билан таъминланади.
Суҳбатда иштирок этиш учун қуйидаги ҳавола орқали рўйхатдан ўтиш мумкин: https://forms.gle/gpjBfmKY9CMUe2aA8
Мурожаат учун телефон рақами: (+998 71) 202-33-55 (ички рақамлар: 123, 133, 210).
