Германия Ички ишлар вазирлиги афғон муҳожирларини молиявий ёрдам асосида ватанга қайтариш дастурини бошлади. Таклифлар электрон почта орқали юборилган бўлиб, муҳожирлар 17 ноябргача қарор қабул қилишлари керак. Бу ҳақда Zamon.uz маълум қилди.
“Tagesschau” хабарига кўра, дастур доирасида қайтишга рози бўлганларга нафақа ва яшаш харажатларини қоплаш каби имтиёзлар берилади.
Лойиҳа афғон жамияти вакиллари — аёл ҳуқуқлари фаоллари, собиқ амалдорлар ҳамда ҳарбий хизматчиларни ҳам қамраб олади. Ҳукуматнинг мақсади – қабул дастурларини чеклаш ва муҳожирлар оқимини назорат қилиш.
Германияда қолишни танлаган афғон муҳожирлар тақдири ҳақида ҳозирча маълумот берилмаган.
