Навоий вилоятида кичик хатолик сабаб икки дона қалампирнинг нархи 2 миллиард сўмга айланиб кетди. Бу ҳақда Адлия вазирлиги хабар берди.
Хабарга кўра, дўконда харидор сотиб олган маҳсулоти учун 20 000 сўмлик чек уриш ўрнига англашилмовчилик бўлиб 2 миллиард сўмлик чек уриб юборилган. Бунинг натижасида эса сотувчига миллионлаб солиқ келиб чиққан.
Тадбиркор катта миқдордаги ортиқча солиқ қарздорлиги сабаб чекни бекор қилиш учун солиқ бошқармасига мурожаат қилган, бироқ унга маълумотларни таҳрирлаб бўлмаслигини маълум қилинган ва муаммо ҳал қилинмаган.
Хатирчи туман адлия бўлими томонидан Навоий вилоят солиқ бошқармасининг 2025 йил 17 апрель кунидаги тегишли чекни таҳрирламаслик хатти-ҳаракатини қонунга хилоф деб топиш юзасидан Навоий туманлараро маъмурий судга шикоят киритилган.
Суд тадбиркор фойдасига қарор қабул қилган.
