World Boxing халқаро ташкилоти ўзининг янгиланган расмий рейтингини эълон қилди. Ҳисоб-китобларга кўра, Ўзбекистон терма жамоаси умумий натижалар бўйича биринчи ўринни эгаллаган.
Рейтинг натижаларига кўра, ўзбекистонлик олти нафар боксчи ўз вазн тоифасида етакчилик қилмоқда. Улар – Абдумалик Ҳалоков (60 кг), Асадхўжа Мўйдинхўжаев (65 кг), Фазлиддин Эркинбоев (75 кг), Жаҳонгир Умматалиев (80 кг), Акмалжон Исроилов (85 кг) ва Тўрабек Ҳабибуллаев (90 кг).
Рейтингда Ўзбекистон боксчилари 10 та вазн тоифасининг 6 тасида етакчи. Қозоғистонлик боксчилар эса қолган 4 тоифада пешқадамлик қилмоқда.
