20 октябрь куни соат 19:50 да Тошкент шаҳрининг Олмазор туманида жойлашган Аҳмад Дониш кўчасида Cobalt, Nexia-3 ва Lacetti русумли автомобиллар иштирокида йўл-транспорт ҳодисаси содир бўлди. Бу ҳақда шаҳар ЙҲХБ хабар берди.
Тўқнашув оқибатида барча ҳайдовчилар ва Lacetti автомобилидаги бир йўловчи жароҳат олган. Уларга биринчи тез тиббий ёрдам кўрсатилгани маълум қилинди.
Ҳозирда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, аввалроқ Тошкентда яна бир Lacetti машинаси “авария”дан сўнг ёнгани ҳақида хабар берилган эди.
