2025 йил 16 октябрь куни соат 15:30 да чет элда ота-она қарамоғисиз қолган 5 нафар ўзбекистонлик бола Тошкент шаҳрига етиб келди. Ҳозирда улар Вояга етмаганларга ижтимоий-ҳуқуқий ёрдам кўрсатиш марказига жойлаштирилган.
Расмийларга кўра, болаларнинг 1 нафари ота-онаси, 2 нафари яқин қариндошлари, яна 2 нафари эса оилавий болалар уйига топширилади. Уларнинг кейинги ижтимоий қўллаб-қувватланиши доимий яшаш манзиллари бўйича давом эттирилади.
Мазкур инсонпарварлик акцияси Ташқи ишлар, Ички ишлар ва Соғлиқни сақлаш вазирликлари, шунингдек, Ижтимоий ҳимоя миллий агентлиги ҳамкорлигида амалга оширилди.
