Тошкент вилояти Зангиота туманида фуқароларнинг мурожаатларидан сўнг ўтказилган рейд давомида юк машинасида 3,5 тоннага яқин эшак ва қорамол суяклари аниқланиб, йўқ қилинди. Бу ҳақда "Миллар" дастурида хабар берилди.
Суяклар Қашқадарё вилоятининг Косон туманидаги чиқиндихоналардан йиғилган бўлиб, уларни ташиган ҳайдовчи ҳеч қандай ветеринария ҳужжатини тақдим эта олмаган.
Ташкилотлар томонидан ҳолат бўйича Маъмурий жавобгарлик тўғрисидаги кодекс асосида баённома тузилди.
Эслатиб ўтамиз, жорий йилда Тошкент ва Сирдарё вилоятларида эшак гўшти савдоси билан боғлиқ ҳолатлар ҳам аниқланиб, қонуний чоралар кўрилганди.
