ДХХнинг Самарқанд вилояти бошқармаси Нарпай туманида ўтказган тезкор тадбир давомида Навоий вилоятида яшовчи 1980, 1983 ва 1987 йилларда туғилган уч киши “шартли харидор”га 18 килограмм кумуш қотишмасини ҳар граммига 11 700 сўмдан сотаётган пайтда ушланган.
Экспертиза хулосасига кўра, топилган металлнинг соф оғирлиги 16 килограмм 744 граммни, асиллик даражаси эса “999”ни ташкил этади. Унинг умумий қиймати 502 миллион 344 минг сўмга тенг деб баҳоланган.
Ҳозирда мазкур шахсларга нисбатан Жиноят кодексининг 177-моддаси 4-қисми “а” банди бўйича жиноят иши қўзғатилган. Кумушнинг келиб чиқиш манбасини аниқлаш бўйича тергов ҳаракатлари давом этмоқда.
