Тошкент вилоятининг Бўстонлиқ туманида жойлашган Чўлоқмерган ҳудудида Тянь-Шань қўнғир айиғи қоя тошдан йиқилиб нобуд бўлди. Айиқ тахминан 70–80 метр баландликдан қулаган.
Экология бошқармаси ва Бурчмулло давлат ўрмон хўжалиги мутасаддиларининг маълум қилишича, айиқнинг ҳалок бўлиши табиий ҳолатми ёки бошқа омиллар билан боғлиқми — бу ҳозирча номаълум. Танани текширувдан ўтказиш учун вақтинча ўрмон хўжалигида сақлашга қарор қилинган.
Тянь-Шань қўнғир айиғи Ўзбекистонда муҳофаза қилинадиган камёб ёввойи ҳайвонлар сирасига киради.
