Бугун, 22 сентябрь куни Президент Шавкат Мирзиёев АҚШнинг етакчи компаниялари раҳбарларини қабул қилди. Бу ҳақда президент матбуот котиби хабар берди.
Маълум қилинишича, делегация таркибида “Трахйс” компанияси директорлар кенгаши раиси, Колорадо геология мактаби витсе-президенти, “ФЛСмидтҳ” компанияси катта витсе-президенти Питер Фланаган, “МcКинсей” компаниясининг катта ҳамкори ва Марказий Осиё бўйича офиси раҳбари Ермолай Солженисин ва “Го Green Partners” компанияси бош директори Михаил Седой қатнашган.
Президент АҚШнинг етакчи компаниялари билан муҳим минераллар соҳасида шерикликни ривожлантириш режаларини муҳокама қилган
“Трахйс” муҳим хомашё ва минераллар, шу жумладан энергетик ўтиш учун зарур бўлган хомашё ва минералларни етказиб бериш бўйича жаҳон етакчиларидан бири ҳисобланади.Компания билан биргаликда геология-қидирув ва конларни ўзлаштириш соҳасида 1 миллиард долларлик истиқболли лойиҳалар портфели шакллантирилган. Муҳим минералларни қазиб олиш, қайта ишлаш ва барқарор етказиб бериш занжирларини яратиш соҳасида илғор технологиялар ва билимларни жорий этиш бўйича битим ва "йўл харитаси" қабул қилинган.
Колорадо кончилик мактаби тоғ-конь саноати учун мутахассислар тайёрлаш бўйича етакчи муҳандислик университетидир.
Ушбу таълим муассасаси билан Ўзбекистон геология фанлари университети қошида Компетенциялар марказини ташкил этиш масаласи ишлаб чиқилмоқда.
“ФЛСмидтҳ” тоғ-конь ва бойитиш саноати учун технологиялар ва ускуналарни ишлаб чиқиш билан шуғулланади. Компания мамлакат мис саноатини ривожлантиришда фаол иштирок этмоқда.
