Россиялик таниқли хонанда Алла Пугачёва журналист Катерина Гордеевага берган интервьюсида айтган сўзлари учун камида 5 йилга қамалиши мумкин. Бу ҳақда “Смотрим” хабар берди.
Билдирилишича, Россиялик журналистга берган интервьюсида у чечен бўлгинчиларининг ўлдирилган раҳбари, 1991 йилдан 1996 йилгача Чеченистон президенти бўлган Жоҳар Дудаев ҳақида мақтовли сўзлар гапириб, уни “одобли, ақлли ва келишган одам” эканини айтган.
Суд эса хонанданинг бу гапларини терроризмни оқлаш деб топса, қўшиқчи 5 йилгача қамалиши ва 100 000 дан 500 000 рублгача жаримага тортилиши мумкин.
Бундан ташқари, бунга Россия Ташқи ишлар вазирлиги расмий вакили Мария Захарова ҳам муносабат билдириб, “Кимдир чиройли қўшиқ айтса ёки ажойиб рақсга тушса, улар биз билан бир хил фикрда бўлишини англатмайди”,.— дея таъкидлаган.
