Мамлакатнинг ғарбий Каилали провинцияси пойтахти Дҳангадҳида қамоқдан қочган 692 нафар маҳбусдан бири эртаси куни ўз ихтиёри билан таслим бўлган. У ҳокимиятга навбатдаги ҳукумат келгач, қўлга олинса, жазоси икки баробар ошишидан қўрққанини билдирган. Ходимлар дастлаб маҳбусни эшитишмаган, аммо сўнгра уни ичкарига олишга розилик билдирилган. Ушбу қамоқхонада намойишлар бошланишидан олдин 697 нафар маҳбус бўлган.
Мамлакатда намойишлар бошланганидан бери камида 8 нафар маҳбус хавфсизлик ходимлари билан бўлган тўқнашувларда ҳалок бўлган.
Маълумот ўрнида, мамлакатда сўнгги кунларда аҳолининг ёш қатлами иштирокида ҳукуматга қарши норозилик намойишлари уюштирилмоқда. Улар ҳукуматнинг бир неча ижтимоий тармоқларни тақиқлашига ҳамда коррупцияга қарши норозилик билдирмоқда. Шу сабаб бош вазир КП Шарма Оли 9 сентябрь куни истеъфо беришга мажбур бўлган.
Непал армияси 11 сентябрь куни тахминан 200 нафар маҳбусни яна қўлга олган, бироқ минглаб қочқинлар ҳали ҳам озодликда юрибди. полиция мамлакатда тинчлик ўрнатишда катта қийинчиликларга дуч келмоқда.
