Вилоят ИИБ хабарига кўра, 16 июль куни 1968 йилда туғилган фуқаро ўзига тегишли қорамолларни бошқа ҳудуддаги ер участкасидан яшаш уйига ҳайдаб келаётган бўлган. Шу вақтда қорамоллардан бири уйи олдида ўйнаб юрган 2 ёшли болани ва уни ҳимоя қилишга уринган онасини сузган.
Суд-тиббий экспертиза хулосасига кўра, она ўртача оғир, бола эса енгил тан жароҳати олган. Жабрланувчиларга 18 июль куни уйга рухсат берилган, улар ҳозирда амбулатор даволанишни давом эттирмоқда.
Ҳозирда ҳолат юзасидан Янгиқўрғон тумани ИИБ томонидан терговга қадар текширув ўтказилмоқда.
