Шу муносабат билан бугун Фавқулодда вазиятлар вазирлиги академияси ҳарбий хизматчилари ва курсантлари томонидан Тошкент шаҳри Янгиҳаёт туманида жойлашган 330-сонли умумтаълим мактабида профилактик тадбир ўтказилди. Тадбир “Фавқулодда вазиятлар профилактикаси куни” билан ҳамоҳанг тарзда ташкил этилди.
Унда Академия курсантлари, мактаб ўқувчилари, ўқитувчилар, жамоатчилик вакиллари ҳамда ОАВ ходимлари иштирок этди.
Тадбир давомида болаларга:
— Ёнғин хавфсизлиги қоидалари,
— Фавқулодда вазиятларда тўғри ҳаракат қилиш,
— Бирламчи ёнғин ўчириш воситаларидан фойдаланиш,
— Ёзги мавсумда хавфсиз чўмилиш қоидалари,
— Ва болалар шўхлиги туфайли юзага келиши мумкин бўлган ҳолатларнинг олдини олиш каби мавзуларда амалий ва назарий маълумотлар берилди.
Ўқувчилар махсус техника, ҳимоя воситалари ва фавқулодда вазиятларда фойдаланиладиган анжомлар билан танишиш имконига эга бўлишди. Курсантлар томонидан ташкил этилган қўл жанги бўйича кўргазмали чиқишлар ва арқон тортиш мусобақалари эса болажонлар орасида катта қизиқиш уйғотди.
Тадбир якунида мутахассислар иштирокчиларнинг саволларига батафсил жавоб берди. Маълум қилинишича, бундай профилактик тадбирлар Академия ташаббуси билан бошқа ҳудудларда ҳам давом эттирилмоқда.
