Исроил Бош вазири Биньямин Нетаньяху Эрон халқига видеомурожаат йўллаб, Исроил Эрон халқини душман деб билмаслигини таъкидлади ва уларни исломий республика ҳокимиятига қарши чиқишга чақирди. Бу ҳақда ТАСС хабар бермоқда.
"Сизларни қарийб 50 йилдан буён эзиб келаётган исломий режим бизнинг давлати, Исроил давлатини йўқ қилиш билан таҳдид қилмоқда. Исроилнинг бу амалиётининг мақсади – исломий режимдан келаётган ядровий ва ракеталар таҳдидини бартараф этишдир. Биз ўз мақсадимиз сари интилаётган бир пайтда, сизларга ҳам эркинликка эришиш йўлини очиб бермоқдамиз", – деди у.
Нетаньяхунинг баҳолашича, Исроилнинг Эронга берган зарбасидан сўнг исломий республика ҳукумати "ҳеч қачон бўлмаган даражада заифлашган".
"Бу – сизнинг овозингиз эшитилиши учун имкониятдир", – дея таъкидлади у. "Эрон халқи учун ўз байроғи ва тарихий мероси атрофида бирлашиб, золим режимдан озод бўлиш учун кураш олиб бориш вақти келди", – дея қўшимча қилди у.
