Россиянинг Омск шаҳрида ўтказилган “Гўзаллик танлови” ғолибаси бўлган Ирина Видан танлов ташкилотчилари тож ва барча совғаларни қайтариб топширишни талаб қилди, деб хабар берди “Тjournal.ru” нашри.
Бунга қизнинг ижтимоий тармоқларда танлов совғаларини танқид қилгани сабаб бўлди. Мазкур танловда Ирина ғолибликни қўлга киритиб, биринчи ўринни эгаллади. Танлов финалидан кейин Ирина ижтимоий тармоқлардаги кузатувчиларига совғалар у кутган даражада ишончини оқламаганлигини маълум қилди. Шу билан бирга илгари қатнашган танловда Iphone 5s га эга бўлганлигини ҳам эслатиб ўтди.
Иринанинг мазкур постни ёзганидан бир неча соат ўтар-ўтмас, танлов ташкилий қўмитаси ундан тож ва совғаларни қайтаришни талаб қилиб, қўнғироқ қилди. Уларнинг маълум қилишича, Иринанинг бундай танқидий фикр билдириши танлов қонун-қоидаларига тўғри келмас экан.
Ирина Ви журналистларга танлов ташкилотлари ундан Шерегеш тоғ-чанғи курортига берилган йўлланма ва гўзаллик салонига текинга бориш учун берилган чипта қайтариб олингани ҳақида гапирди. Совғалар таркибида яна 20 минг рубллик сертификатлар, мўйнали, заргарлик буюмлари бўлган.
Танлов ташкилотчилари ҳозирча Иринадан ғолиблик унвони расман олиб қўйилмаганлигини маълум қилди. Ирина эса ташкилотчилар устидан судга мурожаат қилишни режалаштирди.
