Тошкент вилоятидаги мактабгача таълим муассасаларининг бирида тарбиячи тарбияланувчиларга нисбатан ножўя ҳаракат қилгани акс этган видео ижтимоий тармоқларга сиздирилди. Ушбу ҳолат юзасидан Тошкент вилояти мактабгача ва мактаб таълими бошқармаси изоҳ берди.
Аниқланишича, ушбу ҳолат жорий йилнинг 6 январь куни Паркент туманидаги 19-сонли давлат мактабгача таълим ташкилотида кечги соат 17:00 атрофида содир бўлган.
Муассасада жисмоний тарбия йўриқчиси вазифасида фаолият юритадиган П.А. тарбияланувчиларни гимнастика таёқчаси билан туртиб, қаторга туришга ундаган. Ўрганишлар давомида ташкилотнинг тарбиячиси Ш.М. ҳам болалар билан қўпол муносабатда бўлгани аниқланган.
Ҳолат юзасидан муассасанинг жисмоний тарбия йўриқчиси П.А. ҳамда тарбиячи Ш.М. билан тузилган шартнома меҳнат кодексининг 157-моддасига асосан бекор қилинди.
