4 декабрь, якшанба куни Россиянинг Тюмень — Ханти-Мансийск округида даҳшатли йўл-транспорт ҳодисаси юз берди. ЙТҲда автобус, иккита юк машинаси ва иккита енгил автомобиль тўқнашди. Оқибатда эса 12 киши ҳалок бўлди, улардан 10 нафари вояга етмаган болалар эди.
Маълумотларга кўра, автобусда спорт акробатикаси бўйича мусобақада иштирок этиб, Ханти-Мансийскдан Нефтеюганскка қайтаётган болалар жамоаси бўлган. 22 киши шифохонага ётқизилган.
“РИА Новости”нинг хабар беришича, автобус ҳайдовчиси Марат Зайнуллин, юк машинаси ҳайдовчиси Раиль Саитханов ва яна бир ҳайдовчи Александр Сидоруклар ҳибсга олинган. Улар 2017 йилнинг 4 февралига қадар ҳибсда ушлаб турилади.
Аввал хабар берилганидек, ҳалок бўлганлар орасида 2001 йилда туғилган Ўзбекистон фуқароси Зулфия Сарвар қизи ҳам бор эди. Унинг синглиси 2001 йилда туғилган Эргашева Гавхар Сарвар қизи оғир аҳволда Ханти-Мансискдаги нейрохирургия клиникасига етказилди.
Зулфиянинг жасади 7 декабрь куни Ўзбекистонга етказилган.
