Исроилнинг Тель-Авив, Кесария ва Қуддус шаҳарларида минглаб намойишчилар бир вақтнинг ўзида митинглар ўтказди, деб хабар беради The Times of Israel нашри.
Намойишчилар ҳукуматдан 7 октабрдан бери Ғазо секторида Фаластиннинг ХАМАС ҳаракати томонидан гаровга олинган 130 дан ортиқ одамни зудлик билан озод қилиш ва Бош вазир Бенямин Нетаняхунинг истеъфосини таъминлаш учун кўпроқ ҳаракат қилишни талаб қилмоқда.
Гаровга олинганлар ва бедарак йўқолганларнинг оилалари форуми томонидан уюштирилган митингларда сўзга чиққанлар Ғазо секторидаги жангларни тўхтатиш ва гаровга олинганларни қайтариш учун Хамас билан алмашишни талаб қилди.
ОАВ хабарларига кўра, ҲАМАС ҳар қандай келишувнинг зарурий шартларидан бири сифатида ўт очишни тўхтатишни талаб қилмоқда.
Тель-Авивдаги митинг Нетаняхунинг Кесариядаги шахсий қароргоҳи олдидаги норозилик намойиши билан бир вақтда эфирга узатилди, у ерда одамлар мегафонлар орқали: "Ҳозироқ келишув!" дея бақиришмоқда.
