Махачқалъада аҳоли Тель-Авивдан учиб келган самолётга қарши норзилик намойиши ўтказди. Намойишчилар учиш-қўниш йўлагига бостириб кириб, йўловчилар орасидан Исроил фуқароларини топишга уринган.
Маълум бўлишича, Тель-Авивдан учувчи самолёт етиб келишидан олдин юзлаб одамлар Махачқалъа аэропортига тўпланишган. Одамлар аэропортдан чиқаётган машиналарни тўхтатиб, исроилликларни топиш учун йўловчиларнинг паспортларини текширишган.
Шундан сўнг, намойишчилдар аэропорт биносига бостириб кириб, шиорлар айтиб бақиришган. Ҳатто ула улар учиш-қўниш йўлагигача чиқиб кетишган.
Доғистон бўйича Тергов қўмитаси оммавий тартибсизликлар уюштириш моддаси бўйича жиноий иш қўзғатди.
Федерал ҳаво транспорти агентлиги хабарига кўра,ҳодиса ортидан аэропортни келиш ва жўнаб кетиш вақтида рейсларга хизмат кўрсатиш учун вақтинча ёпиш тўғрисида қарор қабул қилинди. Махачқалъага қўниши керак бўлган самолётлар муқобил аэродромларга йўналтирилган.
Доғистон Соғлиқни сақлаш вазирлиги Махачқалъа аэропортидаги тартибсизликлар чоғида 20 дан ортиқ яраланганини маълум қилди. Республика касалхоналари шифокорлари Махачқалъа аэропортида юз берган ҳодиса оқибатида жабрланган 10 нафарга тиббий ёрдам кўрсатмоқда. Икки кишининг аҳволи оғир.
