"КамАЗ" ҳайдовчиси 12 сентябрга ўтар кечаси Дзержинск шаҳридаги 2-сонли ички ишлар бўлимини йўқ қилишга уринган. Бу ҳақда Россия Ички ишлар вазирлигининг Нижний Новгород вилояти бўйича бош бошқармаси матбуот хизмати хабар берди.
Маълум бўлишича, ҳайдовчи юк машинасини бинога ҳайдаб боргач, полиция бўлимининг дераза ва эшикларини уриб тушира бошлади. Ички ишлар вазирлиги маълумотларига кўра, бино шикастланган, бироқ дераза ва эшиклар зарбаларга бардош берган.
Воқеа содир бўлганидан кейин ҳайдовчи воқеа жойидан қочиб кетган. Эркак икки соатдан кейин Кстовский туманида топилди. У қочмоқчи бўлган ва уни тўхтатиш учун полиция ўқ узишни бошлаган. Якунда улар ҳайдовчини қўлга олишга муваффақ бўлишган. Вилоят Тергов қўмитаси маълумотига кўра, ҳайдовчи 36 ёшли Ўзбекистон фуқароси Жонибек Жавлиев бўлиб чиққан. Эркак нима учун полиция биносига ҳужум қилганини тушунтира олмаган. Ҳолат юзасидан "Безорилик" моддаси бўйича жиноят иши қўзғатилган.
