Ўзбекистоннинг UzGasTrade ва Туркманистоннинг "Туркмангаз" компанияси ўртасида йилига 2 миллиард куб метргача туркман газини етказиб бериш бўйича қисқа муддатли шартнома имзоланди. Бу ҳақда Ўзбекистон Энергетика вазирлиги раҳбари Жўрабек Мирзамаҳмудов Туркманистон давлат ахборот порталига берган интервьюсида маълум қилди.
Бундай келишувга Ашхободда Ўзбекистон энергетика вазири Жўрабек Мирзамаҳмудов ва Туркманистон бош вазирининг ёнилғи-энергетика комплекси учун масъул ўринбосари Ботир Аманов ўртасидаги музокаралар чоғида эришилди.
"Бу фақат бошланиши, чунки биз ўзаро манфаатли ҳамкорликни кенгайтиришнинг янада кенг истиқболларини муҳокама қилдик. Бу узоқ муддатга ва етказиб беришни кўпайтириш билан узоқ муддатли шартнома ишлаб чиқишни ўз ичига олади", — деди Жўрабек Мирзамаҳмудов.
Шунингдек, у томонлар электр энергиясини етказиб бериш, электр энергиясини учинчи давлатларга транзит қилиш, шунингдек, нефть, нефть маҳсулотлари, кимё саноати маҳсулотларини, хусусан, фосфат ва азотли ўғитлар ва бошқаларни етказиб бериш соҳасида ҳамкорлик қилиш масалаларини кўриб чиққанини айтди.
