Россия 2023 йилга мўлжалланган мудофаа харажатларини икки бараварга оширган. Бу миқдор 100 миллиард доллардан зиёдни ташкил этиб, барча ҳукумат харажатларининг учдан бир қисмини ташкил этди, дея хабар бермоқда Reuters .
Биргина 2023 йилнинг биринчи ярмида Россия мудофаага 12 фоиз ёки 600 миллиард рубл, 4,98 триллион рублдан ортиқ маблағ сарфлади. (54 миллиард доллар).
Аллақачон бюджет тақчиллиги тахминан 28 миллиард долларни ташкил этиб, бу кўрсаткич экспорт тушумларининг камайиши билан кучайган. Мудофаа харажатларининг ошиши тақчилликни янада кенгайтириши мумкин, ишлаб чиқаришнинг ўсиши эса бошқа тармоқларни қамраб олиши ва хусусий инвестицияларни сиқиб чиқариши мумкин.
Агентликнинг ҳужжат асосидаги ҳисоб-китобларига кўра, Россия биринчи олти ойда мудофаа учун 2023 йил учун режалаштирилган барча бюджет харажатларининг 19,2 фоизини сарфлаган.
Январ ойида Россиянинг нефть ва газ даромадлари ўтган йилга нисбатан 46 фоизга қисқарган, Украинадаги уруш туфайли харажатлар эса 59 фоизга ошган. Ушбу омилларнинг комбинацияси Россия давлат бюджетининг 1,76 триллион рубль миқдоридаги тақчиллигига олиб келди. Бу камида 1998 йилдан бери йилнинг биринчи ойида энг катта бюджет тақчиллиги, деб ёзди Bloomberg.
Ғарб давлатлари жорий этган нархларни чеклаш туфайли Россия янваь ойида нефть ва газдан 8 миллиард долларга яқин даромад йўқотди, деди Халқаро энергетика агентлиги раҳбари Фотиҳ Бирол.
Кремл энергия экспорти даромадларининг камайиши ва ҳарбий харажатларнинг кескин ошиши фонида буджетга янги даромад манбаларини изламоқда, бу эса жорий йилда 45 миллиард долларлик бюджет камомадини келтириб чиқарди.
