Канада бош вазири Жастин Трюдо ва унинг рафиқаси Софи 18 йиллик никоҳдан сўнг ажрашишларини маълум қилишди.
Канада ҳукумати раҳбари Инстаграмда хабар берганидек, эр-хотин “кўплаб мазмунли ва қийин суҳбатлардан сўнг” кетишга қарор қилишган. “Ҳар доимгидек, биз бир-биримизга ҳамда биз қурган ва қуришда давом этадиган барча нарсаларга чуқур муҳаббат ва ҳурмат билан яқин оила бўлиб қоламиз”, — дейилади постда.
Трюдо идораси баёнотида айтилишича, ажрашиш тўғрисидаги битим имзоланганига қарамай, собиқ турмуш ўртоқлар оммавий тадбирларда бирга чиқишади.
Жастин ва Софи Трюдо 2005 йилда турмуш қуришди. Ўн йил ўтгач, Трюдо Канада бош вазири бўлди. Эр-хотиннинг учта фарзанди бор: 15 ёшли ўғли Ксавер, 14 ёшли қизи Элла-Жеймс ва тўққиз ёшли ўғли Адриан.
Трюдонинг ажрашиши “оғриқли тарихий ўхшашликларга” эга. Жастиннинг отаси Пер Трюдо ҳам 1977 йилда Канада Бош вазири бўлганида рафиқаси Маргарет билан ажрашган. Жастин Трюдо ўшанда олти ёшда эди.
