Машҳур француз экстремал спортчи Гонконгдаги турар-жой биносининг 68-қаватидан қулаб вафот этди.
30 ёшли Реми Луcиди, соат 18:00да Гонконгдаги Tregunter Tower биноси қўриқчига 40-қаватда яшаётган дўстиникига келганлигини маълум қилади.
Қўриқчи квартира ижарачи билан боғланганда, у Луcидини танимаслигини айтади.
Кузатув камераларида экстремал спортчининг 49-қаватдаги лифтдан чиқиб, бино томига чиқаётгани акс этган. Соқчилар тепага кўтарилганларида Луcиди аллақачон томга чиқиб олган.
Полициянинг айтишича, эркак охирги марта соат 19:38 да пентҳаус деразасининг ташқи томонидан тақиллатиб, хизматчини чўчитиб юборган. Хизматчи қўриқчини чақирган.
Тахмин қилишларича Луcиди тузоққа тушиб қолган ва ёрдам сўраб деразани тақиллатган. Шундан сўнг у баландликдан йиқилиб, воқеа жойида вафот этган. Полиция Луcидининг экстремал трюклари ёзиб олинган камерасини топган.
Луcиди дунёнинг турли бурчакларида, масалан, Болгария, Португалия, Франция, Украина ва Дубайдаги осмонўпар биноларнинг энг баланд чўққиларига чиқиш каби хавфли трюкларни амалга оширган.
