Владимир Зеленский 7 июль куни Туркияга келди. Бу ҳақда “zamon.uz” ёзмоқда.
Қайд этилишича, бу Украина президентининг сўнгги икки кун ичида ташриф буюрган тўртинчи давлатидир.
Зеленскийнинг сўзларига кўра, Туркияда у Ражаб Тоййиб Эрдўған билан ғалла келишуви, НАТО саммити, Киев таклиф қилган тинчлик формуласи, Украинани тиклаш ва икки давлат корхоналари ўртасидаги мудофаа шартномаларини муҳокама қилади.
Маълумот учун, бугун эрталаб Зеленский Словакияда, бир кун олдин эса Болгария ва Чехияга ташриф буюрган эди.
Эслатиб ўтамиз, бугун Украина президенти НАТОнинг Вилнюсда 11-12 июль кунлари бўлиб ўтадиган саммитида иштирок этиши маълум бўлди . Аввалроқ унинг маслаҳатчиси Игор Жовква, агар НАТО давлатлари Украинани альянсга таклиф қилмаса, Зеленский саммитга бормаслигини айтган эди.
