АҚШ компанияси фантастик фильмлардан илҳомланиб, ҳақиқий учар машинани яратди. Alef Aeronautics учар машинаси Федерал авиация маъмуриятидан (ФАА) махсус парвозга яроқлилик сертификатини олди, яъни компанияга автомобилни йўлда ва ҳавода синовдан ўтказишга рухсат берилган.
Тўлиқ электр автомобил 320 км масофани зарядсиз босиб ўта олади. У оддий гаражга сиғади, вертикал равишда ҳам 180 кмгача уча олади. Шунингдек, водород билан ишлайдиган версияси ҳам бўлади. Alef Aeronautics автомобилнинг панорамали кўринишни таъминлаган ҳолда тирбандликлардан қочиш, исталган йўналишда учиш қобилиятини реклама қилади.
Унинг нархи 300 минг доллар атрофида бўлиши кутилмоқда. Компания автомобилни ўтган йилнинг октябрь ойида тақдим этган эди. Маълум қилинишича, аллақачон ушбу машина учун олдиндан кўп сонли буюртмалар олинган.
