Ҳиндистон шарқида 3 июнь куни содир бўлган поезднинг тўқнашуви қурбонлари сони 290 кишига етди.
Маҳаллий матбуотнинг хабар беришича, 16 июнь жума куни ярадорлар орасидан яна 2 киши шифохонада вафот этган.
Бахтсиз ҳодиса Баласоре шаҳри яқинида юз берган. Маълумотларга кўра, Бангалор-Колката йўловчи поезди бошқа йўловчи поезд билан тўқнашиб кетганидан кейин қисман релсдан чиқиб кетган. Баъзи вагонлар қўшни йўлларга чиқиб кетган ва Калкуттадан Ченнайга кетаётган Cоромандел Эхпресс поезди уларга урилиб кетган.
Қайд этилишича, 3 июнь куни Ҳиндистон шарқидаги Одиша штатида поезднинг ҳалокатга учрашига электрон қулфлаш тизимидаги ўзгаришлар сабаб бўлган. Бу ҳақда мамлакат темир йўллар, алоқа, электроника ва ахборот технологиялари вазири Ашвини Ваишнав маълум қилди.
“Биз ҳодиса сабабларини ва бунга жавобгар шахсларни аниқладик. Бу электрон блокировканинг ўзгариши туфайли содир бўлган”, — деди у.
