Бугун, 15 июнь куни соат 17:58 да Андижон вилояти Андижон шаҳарда жойлашган яшаш уйларининг бирида ёнғин содир бўлди. Бу тўғрисида ФВБга хабар келиб тушган.
Андижон шаҳар “Дўстлик” МФЙ Майбохча кўчасида жойлашган уйларда содир бўлган ёнғин соат 18:30 да бартараф этилди.
Ёнғин натижасида бир-бирига тутуш қурилган 3 та уйнинг тахминан 150 кв.м. майдонда томи, шифти ва уй-жиҳозлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
