Бухоро вилояти Бухоро шаҳрида 14 июнь куни Жентра ёниб кетди. Вилоят ФВБ ахборот хизмати ҳолат юзасидан маълумот берди.
Унга кўра, 14 июнь куни соат 14:09 да Бухоро шаҳар “Хўжамушкин” МФЙ, Алпомиш кўчаси йўл ёқасида 2015 йилда ишлаб чиқарилган, кулранг Жентрада ёнғин бўлаётгани тўғрисида вилоят ФВБга хабар келиб тушди.
Воқеа жойига 2 та ёнғин қутқарув автоекипажлари жалб этилди. Ёнғинга 14:12 да етиб бориб, соат 14:16 да батамом ўчирилди.
Ёнғин оқибатида автомашинанинг мотор ва олд капот қисми ёнган. Ёнғиннинг сабаби ва моддий зарари аниқланмоқда.
