Ўзбекистон Республикаси Президентлигига номзод Шавкат Мирзиёев автомобилсозликка оид маълумотлар билан ўртоқлашди ва қуйидаги фикрларни билдирди:
“Бир рақамга эътибор қилинг: Асака туманидаги саноат ишлаб чиқариш ҳажмлари республиканинг 9 та вилояти саноатидан юқори.
Биз автомобилсозлик саноатини янада ривожлантириш учун қўшимча 1 миллиард доллар инвестисия киритамиз. Бу орқали, келгуси икки йилда автомобиль ишлаб чиқаришни ҳозирги 300 минг донадан 500 минг донага олиб чиқамиз”, — деди номзод.
Шавкат Мирзиёев 2030 йилга қадар йилига 1 миллион дона автомобиль ишлаб чиқаришга эришилишини айтди.
“Шунингдек, Асакада 13 та корхона иштирокида йирик машинасозлик кластери ташкил этилмоқда”, – деди номзод.
