Владимир Путин Туркия Президенти Ражаб Тоййиб Эрдўғон билан телефон орқали мулоқот қилди. Бу ҳақда расмий Кремль хабар бермоқда.
Унда президентлар Украина атрофидаги вазият юзасидан ҳам фикр алмашганлар. Владимир Путиннинг таъкидлашича, Киев расмийлари ўзларининг ғарблик кураторлари таклифига кўра, ҳарбий ҳаракатлар авж олиш, ҳарбий жиноятлар содир этиш, очиқдан-очиқ террорчилик усулларини қўллаш ва Россия ҳудудида қўпорувчилик уюштиришда давом этмоқда.
Путин бунга Херсон вилоятидаги Каховка ГЭСини вайрон қилиш бўйича кенг кўламли экологик ва гуманитар фалокатга олиб келган ваҳший ҳаракатларни мисол қилиб келтирган.
Россия президенти туркиялик ҳамкасбини лавозимга расман киришгани билан яна бир бор табриклаб, доимий шахсий мулоқотни давом эттиришга келишиб олишган.
