Бош прокуратура ҳузуридаги Департаментнинг берган хабарига кўра, Андижон вилоят бошқармаси томонидан “Ўзэнергоинспекция” Андижон ҳудудий бўлими ходимлари билан ҳамкорликда ўтказилган тезкор тадбирда, фуқаро Б.К. “А.” меҳмонхонаси ер тўласида 24 та тўпламдаги майнинг крипто-активлари қурилмаларини ўзбошимчалик билан умумий фойдаланишдаги электр тармоғига улаб, жами 183,6 млн сўмлик электр энергиясидан ноқонуний фойдаланганлиги аниқланган.
Мазкур ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
15.05.2023 10:54
Андижонда майнинг крипто-активлари қурилмаларини ўрнатган шахс аниқланди
