Фарғона шаҳрида яшовчи аёл 8 ойлик чақалоғини сотаётган вақтда ушланди.
Вилоят ИИБ хабарига кўра, аёл Янги аср кўчасидаги массажхонада ишлаган ва шу ерда яшаган. У чақалоғини сотган пулига уй олмоқчи бўлган. Аёл ўз фарзандини 10 минг долларига сотаётган вақтда қўлга олинган.
"Уйим йўқлиги сабабли боламни 10 минг долларга сотмоқчи бўлдим. Қилган ишимдан афсусдаман», деди аёл.
Ҳозирда ҳолат юзасидан терговга қадар текширув ҳаракатлари олиб борилмоқда.
