COVAX дастури доирасида мамлакатимизга илк бор CОVID-19нинг "омикрон" штамми B.A.4 va B.A.5 субвариантларига қарши 875 520 доза Pfizer вакцинаси олиб келинди. Бу ҳақда ССВ Матбуот хизмати хабар берди.
Маълум қилинишича, ушбу препаратлар ҳозир аҳоли ўртасида доминант штаммга айланган янги версияларнинг олдини олишда қўлланилиб, тайёр эритилган эмлаш воситаси ҳисобланади.
Айни кунгача Ўзбекистонда жами 75 670 234 доза вакцинадан фойдаланилган.
"Мутахассислар хулосасига кўра, коронавируснинг олдини олиш, инфекция кенг тарқалишига қарши курашиш ва касаллик асоратларини бартараф этишда аҳолини тўлиқ босқичда ва бустер дозада эмлаш энг самарали чорадир", - дейилади ССВ хабарида.
