Шанба куни Будапештда 42 та автомобиль, жумладан 5 та юк ва 37 та енгил автомобиль иштирокида йирик ЙТҲ содир бўлди, дея хабар бермоқда “Тренд” ТАСС агентлигига таяниб.
Венгрия пойтахти полиция бош бошқармаси маълумотларига кўра, тўқнашув натижасида 19 та автомобиль ёниб кетган, бир неча ўнлаб одамлар турли даражадаги тан жароҳатлари олган.
Касалхонага 29 нафари катталар ва 10 нафари болалар етказилган.
Жабрланганларни эвакуация қилиш учун 4 та вертолёт ва 16 та тез тиббий ёрдам машинаси жалб қилинган. Шифокорлар ва қутқарувчилар гуруҳлари нафақат Будапештдан, балки бошқа шаҳарлардан ҳам етиб келган.
Сўнгги маълумотларга кўра, жабрланганлардан бирининг аҳволи шифокорларни жиддий ташвишга солмоқда. Воқеа содир бўлган қолганларнинг ҳаёти хавф остида эмас.
Полициянинг тахминича, ҳодисага кучли чанг кўтарилган кучли шамол сабаб бўлган, бу эса кўришни сезиларли даражада ёмонлаштирган ва йўлда ҳаракатланишни қийинлаштирган.
