Эртага, 5 март куни Тошкент шаҳрида 24 та кўча вақтинча ёпилади. Бу ҳақда шаҳар ИИББ ЙҲХБ хабар бермоқда.
Қайд этилишича, 5 март кунидан бошлаб шаҳар кўчаларида кенг кўламда босқичма-босқич йўл ётиқ чизиқларини чизиш ишлари амалга оширилиши режалаштирилган.
Жумладан, 5 март куни Туркистон, Ойбек, Катта Миробод, Юнус Ражабий, Бобур, Бухоро, Қумариқ, Буюк Турон, Зарафшон, Истиқлол, Мухаммад Юсуф, Матбуотчилар, Чоштепа, Махтумқули, Мовароуннаҳр, Тарас Шевченко, Шастри, Шахрисабз, Қоратош, Фидоийлар, Беруний, Ширин, Фаробий, Қатортол кўчаларида йўл ётиқ чизиқлари чизилади.
Шу муносабат билан ушбу кўчаларда транспорт воситаларининг ҳаракати вақтинча чекланади.
“Ҳайдовчилардан айланма йўллардан ҳаракатланишларини сўраб қоламиз ва ноқулайликлар учун узр сўраймиз”, — дейилади хабарда.
