Бугун, 26 январь куни Ер ёнидан диаметри 5-6 метрли астероид учиб ўтади.
Бу ҳақда Шемаха астрофизика обсерваторияси маълум қилди.
Бу осмон жисмига вақтинча "2023 BU" номи берилган. Астериоид жуда ёрқинлиги боис уни оддий телескопда ҳам кузатиш мумкин. Бироқ у фақат Ернинг жанубий қутбида яшовчилар (Жанубий Америка, Австралия, Африка жануби)га кўринади.
Астериоид сайёрамиздан атиги бир неча минг километр наридан ўтиб кетади. Аниқроғи, Ер марказидан астероидгача масофа — 10 минг километр, бу сайёрамизни қуршаб олган геостационар сунъий йўлдошларгача масофанинг чорак қисмига тенг.
Шунга қарамасдан, хавотирга ўрин йўқ, фақат диаметри 150 метрдан катта осмон жисмларигина Ер учун хавфли саналади.
