“Ўзгидромет” хабарига кўра, бугун Ўзбекистон бўйича баъзи жойларда ёмғир ёғади, айрим жойларда қорга айланиши мумкин, фақат Сурхондарё вилоятида ёғингарчилик кутилмайди. Баъзи жойларга туман тушиши мумкин. Шамол 7-12 м/с тезликда эсади, баъзи жойларга 17-22 м/с гача кучайиши, Навоий, Жиззах вилоятларида айрим жойларга 25-30 м/с гача кучайиши мумкин. Ҳарорат 2-7° илиқ бўлади.
Пойтахтимизда вақти-вақти билан ёмғир ёғади, қорга айланиши мумкин. Шамол 5-10 м/с тезликда эсади, 12-17 м/с гача кучайиши мумкин Ҳарорат 4-6° илиқ бўлади.
Тоғ олди ва тоғли ҳудудларда вақти-вақти билан ёғингарчилик (ёмғир, қор), баъзи жойларда кучли бўлади. Йўлларда баъзи жойларда яхмалак юзага келади. Баъзи жойларга туман тушиши мумкин. Қор кўчиши хавфи бор. Шамол 7-12 м/с тезликда эсади, баъзи жойларда 17-22 м/с гача кучайиши мумкин Ҳарорат 0-5° совуқ бўлади.
