Бухорода булдуруқ ҳодисаси кузатилмоқда

Бухорода булдуруқ ҳодисаси кузатилди. Бу ҳақда вилоят экология ва атроф-муҳитни муҳофаза қилиш бошқармаси хабар бермоқда.

Булдуруқ қалин туман сабаб кўринувчанлик 50 метргача чекланганида ҳамда ҳароратнинг 0 даражадан паст бўлганида кузатилади.

Намликка ўта тўйинган ҳаво таркибидаги сув кристаллашиб, дарахт шохлари ва симёғочларга ёпишиб қолади. Яъни қиров атрофни қор каби қамраб олади.