Ижтимий тармоқларда Сирдарё туманидаги кўприкда ёрилиш содир бўлгани ҳақида хабарлар тарқалди.
Маълум қилинишича, ушбу кўприк 1976 йилда фойдаланишга топширилган. Вилоят ҳокимлиги Матбуот хизматининг хабарига кўра, М-34 “Тошкент-Душанбе” автомобиль йўлининг 82-километрида жойлашган йўл ўтказгич таъмирталаб ҳолатга келганлиги боис, ҳозирда транспорт ҳаракати қисман чекланган.Термиз-Тошкент йўналишида ҳаракати давом этмоқда.
Бугуннинг ўзида йўл ўтказгичда қурилиш-монтаж ишлари бошланган. Шу сабабли ҳаракат хавфсизлигини таъминлаш мақсадида Тошкент шаҳридан қўшни вилоятларга ўтиш Сирдарё туманидаги айланма йўл (Халқаро аҳамиятдаги М-39 “Тошкент — Термиз” автомобиль йўлининг 873-882 километри ҳамда давлат аҳамиятидаги 4Р-29 “М-34 автойўли — М-39 автойўли — Қозоғистон Республикаси чегараси” автомобиль йўлининг 0-7 километрдаги қисми) орқали амалга оширилмоқда.
Барча йўналишларда ЙПХ постлари ташкил қилиниб, ҳаракат хавфсизлиги тўлиқ таъминланган.
