Бугун соат 06:10 ларда Янгиҳаёт тумани "Чорбоғ " МФЙ да жойлашган кўп қаватли ҳонадонларниниг бирида ёнғин келиб чиқди. Бу ҳақда Тошкент шаҳар ФВБ хабар бермоқда.
Маълум қилинишича, ёнғин жойига соат 06:14 да ёнғин-қутқарув гуруҳлари этиб борган ва соат 06:27 да ёнғин тўлиқ бартараф этилган. Ёнғин натижасида уй жиҳозлари ва уйнинг ички қисми 30 кв.м майдонда ёниб зарарланган ҳамда бир нафар фуқаро куйиш тан жароҳати натижасида ҳалок бўлган. Ёнғиннинг келиб чиқиш сабаблари ва келтирилган моддий зарар миқдори аниқланмоқда.
