АҚШ вице-президенти Камала Ҳаррис 2024 йилда Байден билан сайловда иштирок этишга тайёрлигини билдирди.
У бу ҳақда NBC' га берган интервьюсида маълум қилган, дея ёзмоқда Zamon.uz' сайти.
“Президент яна бир марта номзодини илгари суришини аниқ айтди. Агар у буни амалга оширса, мен ҳам ўз номзодимни у билан бирга қўйишга тайёрман”, – деган вице-президент.
Бундан ташқари, у ўз вазифасига катта масъулият билан ёндашишини айтган.
Ҳарриснинг сўзларига кўра, АҚШ вице-президенти давлат раҳбарига мамлакат тақдирига таъсир кўрсатадиган муҳим масалаларни ҳал этишга ёрдам беради.
