Қорақалпоғистондаги навбатдан ташқари ўтказилаётган Жўқорғи Кенгеснинг 34-сессиясида иштирок этган Шавкат Мирзиёев сўзини якунлар экан, қуйидагиларни таъкидлади:
"Ҳаммангиз гувоҳсиз, бугун шиддат билан ўзгариб бораётган ҳаёт олдимизга янги-янги вазифаларни қўймоқда.
Биз замон талабларидан келиб чиқиб, келгусида сизлар билан биргаликда Қорақалпоғистонда яна кўплаб катта-катта ишларни амалга оширамиз.
Бу янгиланишларни қорақалпоқ халқи сезиши керак. Эски усуллар билан Қорақалпоғистонда ишлаб бўлмайди.
Худо хоҳласа, ҳаётнинг ҳар қандай синов ва машаққатларига бардош бериб, эртанги кунга катта ишонч билан яшаётган мард ва матонатли Қорақалпоғистон халқининг оғирини енгил, мушкулини осон қилишга қаратилган бу эзгу ва хайрли ишларни бундан кейин ҳам изчил давом эттирамиз."
